|
 7174 [1666] году, априллия во 2 день, Ниловы пустыни Столобенскаго монастыря, бывший архиепископ Сибирстий и Тобольстий, сея обители постриженик и строитель Нектарий, предлагаю сие писание на соборе учеником своим: священником, и дьяконом, и всей братии:
<На сем святем месте, на отоце Селигера езера, по божественному гласу жил преподобный отец наш Нил чудотворец двадесять седмь лет, пребывал в посте, и в молитве, и в трудех, а хмельнаго пития не пивал, и отыде в вечный покой. И по прехождении многих лет преставления его, прииде на сие святое место первый начальник и строитель священноинок Герман и поживе на сем месте многие лета, а хмельнаго никакого пития сам не пивал и при нем, кои братия были, не пивали же, и в монастыре никакого пития не бывало, и жили в'обще. И аз, многогрешный Нектарий, живу на сем месте многие лета, а от рождения матерня никакого хмельнаго пития не пивал и по сие время, и его не держивал.
И ныне аз, многогрешный Нектарий, со слезами прошу и молю у вас, священницы, и диакони, и вся братия сея обители, поревнуйте житию преподобнаго отца нашего Нила чудотворца и отца моего, наставника и перваго строителя священноинока Германа, и моего убогаго прошения и моления не презрите, Бога ради, чтоб при мне во святей сей обители хмельнаго пития не было, и по смерти моей не заводить и в монастырь не вносить, и самим в монастыре, и вне монастыря отходя, не пить же, и жить в'обще. А кто при мне и по нас сие моление и прошение сея обители священницы, и диакони, и вся братия не послушает, учнут в монастыре хмельное питие заводити и пить в монастыре или, отходя, вне монастыря, или что свое имети, а не обще, и за то их преслушание не буди на них милость Божия и нашего смирения благословения в сем веце и будущем. А кто будет священник, или дьякон, или от простых братий забыв милость Божию и наше благословение презрев, учнет бражничать, пить хмельное питие и что иметь свое, а не обще, и такова бражника, и ослушника, и самолюбца от святаго сего места из обители изгнать>.
 И сие отеческое поучение сея святыя обители священницы, и диакони, и вся братия слушав и возрадовався о душеспасительном поучении, рекли: <Отче! Буди по глаголу твоему, якоже ты хощеши, тако и мы последуем твоему повелению...>
|
